बुधवार, २१ ऑगस्ट, २०१३

पिंपळगाव मध्ये नागपंचमी उत्सवाबाबत

नागोबाला भाऊ मानणा - या मराठी महिलांचं नागपंचमीशी जिव्हाळ्याचं नातं. या सणाच्या निमित्ताने येणारे चार विसाव्याचे क्षण तिच्या आयुष्यात आनंद फुलवतात. लोकगीतांमधून या भावना उत्कटतेने उमटलेल्या दिसतात.
........
श्रावण श्रावण मास हा सणांचा राजा म्हणून गणला जातो. श्रावणाने सगळ्यात कठोर तप केल्याने जास्तीतजास्त व्रतवैकल्यं आणि सण याच मासात साजरी केली जातील असा वर त्याला मिळाल्याचं सांगितलं जातं. खरोखरच श्रावणात अनेकविध सण-उत्सव साजरे करताना व्रतांचं पालनही केलं जातं. त्यामुळेच श्रावणमासाशी स्त्रियांचं जिव्हाळ्याचं नातं असतं.
श्रावण शुद्ध पंचमीला येणारा नागपंचमीचा सण आजही ग्रामीण स्त्रियांच्या दृष्टीने महत्त्वाचा सण मानला जातो. कारण या सणाच्या निमित्ताने सासुरवाशिणी माहेरी आलेल्या असतात. पंचमीच्या आदल्या दिवशी माहेरच्यांना सुखी ठेवण्यासाठी या माहेरवाशिणी व्रत ठेवतात. स्त्रियांच्या मनातील भावना आपल्याला लोकगीतांच्या माध्यमातून अनुभवता येतात. नागपंचमीच्या निमित्ताने गावातल्या माहेरवाशिणी ठराविक चक्रातून फिरणाऱ्या स्त्री मनाला दिलासा तर मिळतोच पण भावनांना वाटही मिळते.
माहेरी जाण्यासाठी आपल्याला बोलावणं येईल म्हणून मग सासुरवाशीण आतूरतेने वाट पाहत असते. ती म्हणते,
सणामंदी सण नागपंचमी खेळायची
वाट पाहते बोलायाची
एकादस पारणं बहीण धरते भावाचं
नागोबा देवाचं काय होईल जिवाचं
पंचमीच्या दिवशी नागोबाला पऊतं
सोड कुणब्या आऊत
पंचमीचा सण नागाला दूध लाह्या
आऊक्ष मागूया भाऊराया
नागपंचमीच्या दिवशी माहेरी आलेल्या स्त्रियांचं मन आनंदून जातं. त्या दिवशी पूजेची जय्यत तयारी करतात.
सरावण मासामंदी आला पंचमीचा सण
आनंदलं मन्ह अन
सारविल्या भिंतीवरी काढीला नागोबा
दूध लाह्या वाहू त्याला
त्या दिवशी स्त्रिया पाटावर चंदनाने नागाची चित्रं काढतात. काही ठिकाणी भिंतीवर शेणाने चित्रं काढली जातात. ही तयारी सुरू असताना तिचं मन म्हणत असतं,
पंचमीचा सण
फुलांचे हार गजरे
दह्या दुधाच्या वाट्या
दारामंदी पूजीते
नागोबा नटवा
दुरडी लाह्याची पाठवा
जाईजुईची फुलं
सये नागोबाची मुलं
नागोबा मी पूजीला
पाठी भाऊ मागितला
या दिवशी स्त्रिया नव्या साड्या नेसून, मुली परकर पोलकं घालून नटूनथटून तयार होतात. मग सगळ्या जणी गाणी गात एकत्र वारुळाला जायला निघतात.
चल ग सये वारुळाला, नागोबाला पूजायला
हळदकुंकू वाहायाला ताज्या लाह्या वेचायाला
जमूनिया साऱ्या जणी जाऊ बाई न्हवणा
जिथं पाय ठेवू बाई तिथं उठल दवणा
नागाला भाऊ मानून स्त्रिया उपवास करतात, पूजा करतात, मग या भावाचं किती कौतुक करू असे त्यांना होते.
नागोबा संगट पूजा केली नागिणीची
वाटी देत फुटाण्याची
पंचमीच्या दिवशी घाली ना वेणीफणी
पूजीला नागफणी
पंचमीच्या दिवशी काजळ घालिना
नाग येणार पाव्हणा
पंचमीच्या दिवशी निवद उकडीचा
नागोबाचा आवडीचा
एका गीतात पंचमीच्या दिवशी वारुळाला जाताना नवी साडी हवी म्हणून विठ्ठलाकडे हट्ट धरून बसलेल्या रुक्मिणीचं चित्र आहे. एकूण स्त्रीच्या स्वभावधर्मानुसार नटण्याची नवीन साडीची आवड देवतांनाही असावी.
अशी वसली पंढरी
वाळवंटी पुंडलिक हरी
तिथून पुंडलिक झडकिला
गेला रुक्मिणीच्या वाड्या
रुकमाबाई गं सुंदर
जाऊ वारुळा गुजरी
तिथून रुक्मिणी झडकिली ऱ्हाईबाईच्या वाड्या गेली...
नाग, साप शेतकऱ्याचा मित्र असतो. त्यामुळे त्याच्याविषयीचा आदर भाव ही या स्त्रिया व्यक्त करतात आणि त्याला भूतदया दाखवावी, असा संदेश देतात.
नागपंचमीला, नागा चंदनाचे गंध।
तुटती भावबंध, पुजणाऱ्यांचे।।
नागपंचमीला, नागाला घालू दूध।।
होईल बुद्धी शुद्ध, नागकृपे।।
नागपंचमीला, नको चिरू भाजीपाला।
दया शिकवू हाताला, आज सये।।
ही लोकगीतं म्हणजे मराठी भाषेचं स्त्रीधन आहे. ग्रामीण भागातील सामान्य स्त्रियांच्या मनातील विविध भावभावनांचा आविष्कार या गीतांमधून अनुभवता येतो. सामान्य स्त्रियांच्या साध्या, सरळ भावनांमुळे या गीतांना वेगळाच साज चढतो. सहजसुंदर ओघवती शैली, पारदर्शकता, साधं मन, सरळता, स्वाभाविकता हे या गाण्यांचं वैशिष्ट्य. या गीतांमधून त्या त्या काळचं लोकजीवनही अनुभवता येतं. आधुनिक जीवनशैली स्वीकारलेल्या शहरवासीयांकडून हे लोकवाङ्मय दुर्लक्षिलं गेलं आहे, पण हा महाराष्ट्राचा, मराठी मातीचा आणि मराठी माणसाचा समृद्ध वारसा आहे हे विसरता कामा नये.

रविवार, १८ ऑगस्ट, २०१३

पिंपळगाव मध्ये व्यायामशाळेचे उदघाटन.....

२० जुलै २०१३:-
शिवसेनेचे लोकप्रिय खासदार मा.श्री. आढळराव पाटील यांच्या खासदार निधीतून पिंपळगाव (खडकी) गावामध्ये "हिंदू हृदयसम्राट बाळासाहेब ठाकरे व्यायामशाळा " चे उद्-घाटन करण्यात आले. त्यावेळी उपस्थित शिवसेनेचे पदाधिकारी, मान्यवर आणि पिंपळगाव मधील तरुण शिवसैनिक.
 या कार्यक्रमप्रसंगी  मान्यवर, ग्रामस्थ, विद्यार्थी यांनी आपले मत भाषणातून व्यक्त केले त्याच प्रमाणे खासदारांच्या हस्ते  मान्यवरांचा व ग्रामस्थांचा सत्कार करण्यात आला. आढळरावांनी विकासाचे राजकारण व्हावे असे मत त्यांच्या भाषणातून व्यक्त केले.
या सर्व कार्यक्रमाचे संयोजन पिंपळगाव ग्रामपंचायत सदस्य मा.श्री. सचिन बांगर यांनी केले. या कार्यक्रमप्रसंगी घेतलेले काही छायाचित्रे.....
 
 

रविवार, ३० जून, २०१३

श्रीराम प्रासादिक पायी दिंडी सोहळा प्रस्थान

दिनांक : ३० जून २०१३
श्री.ज्ञानेश्वर महाराज पालखी दिंडी सोहळा
आळंदी ते पंढरपूर
समाजभूषण कै. कुशाभाऊ शेठ बबनराव बांगर यांचे प्रेरणेने वै.ह.भ.प. भानुदास महा. दहिफळे यांचे कृपाआशीर्वादाने
श्रीराम प्रासादिक पायी दिंडी सोहळा, पिंपळगाव (खडकी)
 
सर्व भाविकांना कळविण्यास अन्नद वाटतो कि, सानास्थ ग्रामस्थ पिंपळगाव, पंचक्रोशीतील वारकरी बांधवांच्या प्रेरणेने आणि आपणा सर्वांच्या सद्भावनेतून आणि सहकार्याने श्री. संत श्रेष्ठ ज्ञानेश्वर महाराज पालखी समवेत दिंडीचे आयोजन केले आहे तरी सर्व भाविकांनी या सोहळ्याचा आनंद  घ्यायचा आहे.
 

रविवार, २३ जून, २०१३

विनोद आता मोठा झाला : "वटपोर्णिमा स्पेशल"

वटपोर्णिमा स्पेशल......
सासु - अगं सुनबाई उठ लवकर. आज
वटपौर्णिमा वडाची पूजा नाही करायची का ?
 सुन - मला जाम कंटाळा आलाय. घरीच करते पूजा.....
माझा लैपटॉप आणा बरं इकड़...
(सुनबाई टाइप करते) डबल्यू डबल्यू डबल्यू डॉट वडाचंझाड
डॉटकॉम...ऑनलाइन वडाची पूजा
सुन:- - माझे फेरे घालते...वन, टू, थ्री, फोर, फाइव, सिक्स , सेवेन....
आता तुमचे एक, दोन , तिन , चार, पाच , सहा, सात...झाली एकदाची वडाची पूजा...!!!
सासु - माझे गं  कशाला घातले फेरे ....? तुझे सासरे जावून ३ वर्ष झाले की ग आता ....
 सुन - अय्या खरचं की...sorry हं....undo करते... !!!

आपल्या भारतीय संस्कृतीमधील व्रत - वटपोर्णिमा

२३ जून २०१३
 
                आपल्या हिंदू संस्कृतीत व्रताना खूप महत्व आहे.पूर्वींच्या तुलनेत सध्याची स्त्री हि अधिक सुशिक्षित झाल्यामुले वेल आणि पैसा यांना महत्व येऊन व्रतांचे महात्म्य कमी झाले.आज 'लीव इन रिलेशनशिप " चा जमाना आहे. त्यामुळे वटपौर्णिमा कालबाह्य ठरते आहे.दुर्दैवाने या व्रतांमागील नेमका हेतू विधी आणि फळ याची माहिती नसल्याने व्रत म्हणजे उपवास व पूजा अशीच संकल्पना धृढ होते आहे.उपवास म्हणजे भरपूर फराळाचे पदार्थ खाणे व पूजा म्हणजे अवडंबर माजवून दिखावा करणे,यामुळे आधुनिक पिढीला त्यातील महत्व कळत नाहीये.असो. कुठल्याही व्रताची ५ अंगे आहेत. संकल्प,पूजा, उपवास, दान व विशिष्ट आचार,हि होत.कोणत्याही व्रताची सुरवात संकल्पानेच करावी.व्रताच्या दिवशी फलाहार करावा .पण फलाहाराचे भ्रष्ट  रूप फराळ होऊन रोजच्या जेवणासारखे पदार्थ खाल्ले जातात. हे सर्व पदार्थ पित्त वाढवणारे  व पचनाला जड असल्याने त्याचा त्रासाच होतो.हि व्रते करताना आपल्या  पूर्वजांनी वयाचाही विचार केला आहे .सर्वसाधारण ५०  वर्षापर्यंतच व्रते आचरावी. एकदशि सारखे व्रत मात्र शेवटपर्यंत केले जाते.खर म्हणजे पती-पत्नीचे एकमेकवर खरे प्रेम असेल तरच वटपौर्णिमा साजरी करण्यात अर्थ आहे.दोघातील स्नेहबंध धृढ करणारा असा हा सण आहे.
             सावित्रीने आपल्या पतीचे प्राण परत मिळविण्यासाठी यामराजना आपल्या भक्तीने संतुष्ट करून आपल्या पतीचे प्राण परत्र मिळविले. अशी आख्यायिका पुराणात आहे,
                                          करुनी निश्चय मनासी,नारद बोले सावित्रीसी;
                                           ज्येष्ठमास त्रयोदशी ,  करुनी पूजन  वदासी ;
                                            त्रिरात्र व्रत करुनी,     मागे औष्य चुड्यासी;
                                               येईल यम छालावाया ,शरण जी तयापासी.............
             वटसावित्री व्रताची सुरवात पौर्णिमेच्या आधी दोन दिवस होते. सौभाग्य मीळो   ; वटवृक्षाप्रमाणे  कुल वाढो;अशी भावना या व्रतामागे असते.  प्रत्येक दिवशी १०८ प्रमाणे ३ दिवस वडाला प्रदक्षिणा घालतात. ३ दिवस उपवास करतात.पण कालमानानुसार यात बदल झाला आहे.हे व्रत १ च दिवस म्हणजे ज्येष्ठ शुद्ध पौर्णिमा या दिवशी केले जाते.
             पुजेची तयारी करताना हिरव्या बांगड्या,कापुर, पुजेची कापसाची गेजवस्त्रे,  गळेसर ,विड्याची पाने,सुपारी ,पैसे,पंचामृत व गुलखोब्रर्याचा नैवेद्या ५ आंबे ,दुर्वा वगै. इत्यादी साहित्याची तयारी ठेवावी.
 प्रत्यक्ष पूजेला सुरवात करताना प्रथम सुपारीच्या गणपतीची स्थापना करावी. हळद -कुंकू ,गंध ,लाल फुल अक्षता यांनी गणपतीची पूजा झाल्यावर वादाची किंवा वादाचे चित्र असणाऱ्या कागदाची पूजा करावी.
 या दिवशी उपवास करावा.  वाडापुढे आंबे व पैसे ठेवावे.५ सवाष्णीची आंबा व गव्हाने  ओटी भरावी. काही ठिकाणी १ वाण घरात ठेऊन  बाकीची  इतर ४  घरी जाऊन देतात. वडाला ३ प्रदक्षिणा घालाव्या. वडाला गुंडाळायचा दोरा तिहेरी आसतो.विवाहानंतर सुवासिनी असेपर्यंत प्रत्येक स्त्रीने हे व्रत करावे.हे सौभाग्यावार्धक व्रत आहे.
             आधुनिक काळात अगदी जन्मोजन्मी हाच पती मिळावा हे मागणे सयुक्तिक नसले तरी निदान आहे या जन्मात आपल्या सह्चाराच्या विचारांशी मुलांसमोर सहमती दाखवून नंतर सावकाश त्याचे दोष त्याला
 समजावता येतात. तसेच वेळ नाही म्हणून वादाची फांदी आणून पूजा करणे हे मुळीच योग्य नाही. ज्या वृक्षाची आपण पूजा करतो त्याच्याच फांद्या तोडून त्यांची पूजा करणे हे हास्यास्पद आहे. त्यासाठी घरी पाटावर
 वडाचे चित्र गंधाने काढून त्याची पूजा करावी.या व्रतास "ब्रह्मसावित्रीची पूजा " असेही म्हणतात.
             आपण ठरवले तर फक्त "वटपौर्णिमा" च नाही तर इतर सण उत्सव, व व्रते यांना मुळ स्वरूपाला बाधा  न आणू देता नवे स्वरूप देऊन जपता येतील. भक्तीने केलेली साधी पूजा हि मला पोहोचते.असे भगवंतच  सांगतात. असो .नवीन दृष्टीकोन स्वीकारून हि वटपौर्णिमा आपण साजरी करूया.
 

शनिवार, २२ जून, २०१३

गावात नागरी सुविधा केंद्र सुरु......

गावामध्ये आज नागरी सुविधा केंद्र सुरु झाले. आहे. आता सरकारी कागदपत्रे, दाखले, उतारे, जन्माचा दाखला, आदि. विविध प्रकारचे दाखले अतिशय कमी दरात तुम्हाला उपलब्ध होणार आहेत.
           या कार्यालयाचे उद् घाटन  पुणे जिल्हा परिषद सदस्य मा.श्री. मथाजी पोखरकर यांनी केले. त्याचप्रमाणे पिम्पाल्गावातील सरपंच, ग्रामस्थ, मा.श्री. टी.के. बांगर, मा.श्री. प्रभाकर बांगर, श्रीराम विद्यालयाचे मुख्याध्यापक हेही उपस्थित होते.

चला शिकूया.... पुढे जाऊया.....- दैनिक सकाळ


मुक्तिधाम व उद्यान परिसर विकास शुभारंभ व गुणवंत विद्यार्थी व शिक्षक सन्मान सोहळा....

१७ जून २०१३
  नुकताच पिंपळगाव खडकीमध्ये मुक्तिधाम व उद्यान परिसर विकास शुभारंभ व गुणवंत विद्यार्थी व शिक्षक सन्मान सोहळा.... पार पडला या कार्यक्रमासाठी जिल्हा परिषदेचे अध्यक्ष मा.श्री. दत्त्त्तामामा भरणे व त्यांच्या समवेत पुणे जिल्हा परिषदेचे इतर पदाधिकारी उपस्थित होते.
            या कार्यक्रमा मध्ये मुक्तिधाम व उद्यान परिसराच्या कामाचा शुभारंभ झाला. त्याचप्रमाणे गावातील पिराच्या मळ्यातील ठिकाणी अंगणवाडी केंद्राचे उदघाटन करण्यात आले. तसेच खालील मान्यवरांचा ज्यांनी या गावासाठी योगदान केले त्यांचा सत्कार करण्यात आला.
१) इयत्ता ४ थी च्या स्कॉलरशिप परीक्षेमध्ये यश संपादन करणाऱ्या विद्यार्थी व त्यांच्या विकासासाठी परिश्रम घेणाऱ्या शिक्षकांचा सत्कार

२) श्रीराम विद्यालय, पिंपळगाव (खडकी) च्या १० वी च्या विद्यार्थ्यांचा या वर्षी ९७% निकाल लागला. त्यात प्रथम क्रमाक मिळविणाऱ्या विद्यार्थिनीचा सत्कार.

३) त्याच प्रमाणेमाध्यमिक विभाग  श्रीराम विद्यालयामध्ये नव्याने रुजू झालेले हरहुन्नरी, कर्तव्यदक्ष मुख्याध्यापक मा.श्री.सुर्यकांत मेंगडे सर यांचा सत्कार करण्यात आला.

४) तसेच ग्रामपंचायत पिंपळगाव तर्फे महाळुंगे अंतर्गत सरपंच, ग्रामसेवक, ग्रामपंचायत सदस्य, लेखनिक, शिपाई ज्यांच्या योगदानामुळे आणि सहकार्याने गावाला संत गाडगेबाबा ग्रामस्वच्छता अभियानांतर्गत जिल्हा आणि राज्यपातळी वरील तब्बल १५ लाखाचा पुरस्कार पटकावला. त्यांचाही ट्रॉफी देऊन सत्कार करण्यात आला.

५) पिंपळगावचा मानाचा आवाज मा.श्री. शिवाजीशेठ शंकर पोखरकर ज्यांच्या योगदानामुळे जय हनुमान मंदिर व पिंपळेश्वर मंदिरांच्या जीर्नोधारासाठी लोकसमूहातून तब्बल १० लाखाचा निधी उभा राहिला त्यांचाही सत्कार करण्यात आला.

६) या गावाला तंत्रज्ञानाच्या माध्यमातून स्वत:ची आगळी -वेगळी ओळख ज्यांनी निर्माण केली. पहिल्यांदा परदेशी पाहुणे ज्या गोष्टीमुळे पिंपळगावला पाहायला आले. अशी तालुक्यातील पहिली गावाची वेबसाईट तयारक पिंपळगावचे सुपुत्र संगणक प्रशिक्षक श्री. वैभव पोखरकर यांचाही सत्कार करण्यात आला.

७) या सगळ्या गोष्टीमागे ज्या व्यक्तीचा सिंहाचा वाटा आहे. समाज्याच्या  विकासाचे जणू स्वप्नच पाहून जो जन्माला आहे. असे समाज उन्नतीसाठी रात्रंदिवस झगडणारे तरुण वर्गांच्या गळ्यातला ताईत तरुण तडफदार व्यक्तिमत्व पुणे जिल्हा परिषदेचे सदस्य मा.श्री. मथाजी पोखरकर यांचाही मा.श्री.दत्त्त्तामामा भरणे यांच्या हस्ते सत्कार करण्यात आला.

पिंपळगाव मध्ये संपूर्ण गावाला वीजपुरवठा करणाऱ्या मुख्य डी.पी. ची अवस्था...

१० जून २०१३
आता पहा पिंपळगाव मध्ये संपूर्ण गावाला वीजपुरवठा करणाऱ्या मुख्य डी.पी. ची अवस्था अतिशय बिकट झालेली आहे. या रस्त्याचे काम होऊन तब्बल ६ महिने झाली असतील तेव्हापासून  या डीपी चा हा खांब असाच आहे. त्याबाबत MSEB ला पत्र हि पाठविले आहे. तरीही अद्याप याबाबत दाखल घेतली जात नाही.
                        या खांबाच्या शेजारी दुध डेअरी आहे. शिवाय शेजारील बाजूस शाळा आहे. सध्या पाऊसही चालू आहे. जोरदार पावसाने भक्कम खांब, झाडे उन्मळून पडतात तेथे या खांबाचा काय निभाव लागणार. शिवाय शेजारी प्रशस्त ग्राउंड असल्यामुळे मुलं तेथे खेळायला येतात. जर त्यांच्या अंगावर दुर्दैवाने हा खांब पडला तरी किती महागात पडेल? त्यात  उत्तरप्रदेश मधील घटना ताजी आहे. याचा विचार करण्याची गरज आहे.

पिंपळगाव ओढ्यालगतच्या रस्त्याचे कामकाज सुरु.....

 
पिंपळगाव खडकी मध्ये आपण ज्यावेळेस एन्ट्री मारतो त्यावेळेस एक ओढा लागतो. ज्याला पिंपळगाव ओढा म्हणतात. याच ओढ्याच्या लगत इनामदार वस्ती ते पिंपळगाव पर्यंतचा एक किलोमीटरच्या रस्त्याचे कामकाज सुरु असताना....
१) यामुळे ओढ्यामध्ये साचलेल्या गाळाचे योग्यप्रकारे नियोजन होईल. 
२) गाळउपसामुळे  ओढ्याची खोली वाढणार आहे.
३) ओढ्याची खोली वाढल्यामुळे पाण्याच्या पातळीत वाढ होणार आहे.
४) एकंदरीत ओढ्या लगतच्या शेतकऱ्यांना भरपूर पाण्याची सोय होणार आहे.
दरम्यानच्या कामाप्रसंगी जी.प.सदस्य मथाजी पोखरकर, सरपंच रोहिदास शंकर पोखरकर , ग्रामपंचायत सदस्य सचिन बांगर व रोहिदास बन्सी पोखरकर उपस्थित होते.

शुक्रवार, ३ मे, २०१३

पिंपळगाव खडकीची संकेतस्थळाच्या माध्यमातून गरुडझेप.....

                       "आधुनिक गाव" या संज्ञेचे मूर्तिमंत उदाहरण म्हणजे पिंपळगाव खडकी होय. गावात एकोपा असेल, नव्या दमाच्या आणि जुन्या जाणत्या मंडळींचा मेल असेल तर खऱ्या अर्थाने आदर्शगाव, आधुनिक खेडं जन्माला येतं. अश्याच प्रकारे समाजव्यवस्थेला आदर्शाची वाट दाखविणारं पिंपळगाव (खडकी) गाव जगाच्या कानाकोपऱ्यात झळकले आहे. पुरस्काराची शिखरे पादाक्रांत करणाऱ्या या गावाचे संकेतस्थळ (वेबसाईट) तयार झाली आहे. त्यामुळे गावाची संपूर्ण माहिती सातासमुद्रापार पोहोचणार असून, एका क्लिक वर पिंपळगाव (खडकी) ची खडान् खडा माहिती पाहायला मिळणार आहे. इंटरनेटच्या माध्यमातून जगाशी नाळ जोडणाऱ्या या वैभवामुळे आंबेगाव तालुक्याची मान निश्चितच उंचावणार आहे.
                अशी आहे वेबसाईट www.pimpalgaonkhadki.com हि वेबसाईट ओपन झाल्यानंतर गावात आत्तापर्यंत झालेली विकास कामे पाहायला मिळतात. शिवाय गाव लागले कामाला.. विकासाच्या ध्यासाला यासंबधीचे फोटो पाहायला मिळतात. पिंपळगाव खडकी ची वेबसाईट ही गावाच्या  माहितीसाठी तयार केलेले ऑनलाईन पुस्तक आहे. ज्यामध्ये गावाविषयी माहिती, पुरातन मंदिरे व वास्तू, ग्रामपंचायतीचे कामकाज, विकासकामे, गावाला मिळालेले पुरस्कार, फोटो संग्रह, व्हिडिओ संग्रह, गावाचा सॅटेलाईट नकाशा, शैक्षणिक, गावात घडणाऱ्या चालू घडामोडी आदी बाबींचा समावेश शिवाय गावाला स्वत:चा स्वतंत्र ई-मेल आयडी व फेसबुक दिलेला आहे.
            या वेबसाईट मुळे पिंपळगाव खडकी गावाला फिनलंड देशातील परदेशी पाहुण्यांची, जागतिक बँकेच्या अधिकारी यांची भेट लाभली आहे.त्याचप्रमाणे  संत गाडगेबाबा व संत तुकडोजीं महाराज ग्रामस्वच्छता अभियांना अंतर्गत पुणे जिल्हा पातळीवरील तसेच राज्य पातळीवरील प्रथम पुरस्कारामार्फत  १५ लाख रुपयांचे पारितोषिक प्राप्त झाले आहे.आज पर्यंत गावाला पुणे जिल्ह्यात प्रथम क्रमांकाचा साने गुरुजी स्वच्छ शाळा पुरस्कार, महात्मा गांधी तंटामुक्ती पुरस्कार, आबासाहेब खेडकर पुरस्कार, पर्यावरण संतुलित ग्राम पुरस्कार, आदर्श ग्रामसेवक पुरस्कार  आदीच्या माध्यमातून तब्बल २२ लाख रुपये मिळालेले आहेत.
 पिंपळगावच्या श्री.मुक्तादेवी यात्रोत्सव व महाराष्ट्रदिनाचे औचित्य साधून या वेबसाईटचे गावचे उद्योगपती मा.श्री. दत्ताशेठ बबनराव बांगर, पुणे जिल्हा परिषद सदस्य मा.श्री.मथाजी पोखरकर, मा.श्री.राजेश मधुकर पोखरकर, मा.श्री.बाबुराव दादा बांगर, मा.श्री.टी.के.बांगर, गावचे सरपंच मा.श्री. रोहिदास शंकर पोखरकर यांच्या हस्ते झाले. त्यावेळी ग्रामविकास अधिकारी मा.श्री.रवींद्र खंडारे,ग्रामपंचायत सदस्य मा.श्री.सचिन बांगर, मा.श्री.रामचंद्र पोखरकर, मा.श्री.रोहिदास बन्सी पोखरकर, मा.सौ.बिल्कीश इनामदार, मा.श्री. बाळासाहेब पोखरकर, मा.श्री.प्रकाशशेठ बांगर, मा.श्री.संतोष पोखरकर आणि मा.श्री.शिवाजीशेठ पोखरकर आदी मान्यवर उपस्थित होते.

 
 

गुरुवार, २ मे, २०१३

भिर्र्र्रर्र........... आवाज दुमदुमला पिंपळगावच्या घाटात.....

१ मे २०१३ रोजी श्री मुक्तादेवी यात्रेच्या निमित्ताने बैलगाड्यांच्या भव्य शैर्याती आयोजित केल्या जातात. अलाउन्सर च्या आवाजाने व  लाउड स्पीकर च्या साथीने संपूर्ण आसमंत दणाणून उठतो......याच यात्रेच्या काही छायाचित्रे सविनय सादर.............
 
 
 

श्री.मुक्तादेवी मंदिराचे रंगकाम......

१ मे  २०१३ ला श्री. मुक्तादेवी यात्रा उत्सव आहे. त्या निमित्ताने पिंपळगाव खडकी मधील ब्राम्हणाच्या बेटावरील या मुक्तादेवी मंदिराचे विलोभनीय रंगकाम करण्याचे चालू आहे.

        गाव आता झपाटले आहे. विकासासाठी.... पिंपळगावच्या समृद्धीसाठी......
 

स्मशानभूमीत व गावांतर्गत उर्वरित रस्त्यांचे कॉक्रीटीकरण सुरु झाले.....

                    गावाला राज्य पातळीवरील संत गाडगेबाबा व संत तुकाडोजीबाबा ग्रामस्वच्छता अभियांना अंतर्गत ७ जिल्ह्यांमधून गावाने महाराष्ट्र राज्यात प्रथम क्रमांक मिळविल्यानंतर ग्रामपंचायत पिंपळगाव खडकी ने शांत न बसता.... स्मशानभूमीत व गावांतर्गत उर्वरित रस्त्यांचे कॉक्रीटीकरण सुरु केले त्याच बरोबर स्मष्ण भूमीच्या सुशोभिकारनामध्येही  ठोस पावले उचलली आहेत त्या प्रांगीची हि छायाचित्रे.....
 
 

शनिवार, २० एप्रिल, २०१३

रामनवमी उत्सव थाटामाटात साजरा....

दिनांक :१९ एप्रिल २०१३
पिंपळगावचे आराध्यदैवत असणारे प्रभू रामचंद्र यांच्या जन्मदिनी म्हणजेच रामनवमीच्या दिवशी पिंपळगाव ग्रामस्थांची अलोट गर्दी जमते.पिंपळगावची  मुंबईकर मंडळी, पुणेकर मंडळी आपली अत्यंत महत्वाची कामे बाजूला सारून या उत्सवामध्ये सहभागी होतात. याच उत्सवाचे काही महत्वाचे फोटो सविनय सादर करीत आहोत.


पिंपळगाव खडकी गावच्या प्रभू रामाच्या मंदिराचे व  मूर्तीचे  फोटो केलेली सजावट  
रामजन्माच्या कीर्तनास भाविकांची प्रचंड गर्दी
रामनवमी निमित्त प्रभू रामचंद्राच्या तब्बल ५०० किलो पेढा(१ किलो २००/- रु. तर ५०० *२००=१,००,०००/-(१ लाख) रुपये  )वाटला जातो. आणि कीर्तनानंतर देणग्या घेतल्या जातात शिवाय ४ मोठे टोप लापशी (२००० किलो ) आणि बटाट्याच्या भाजी महाप्रसाद म्हणून दिला जातो. तब्बल १०,००० लोकं जेवतील एवढा महाप्रसाद केला जातो.  

पिंपळगाव खडकी गावाला राजगुरुनगर ग्रामसेवक, विस्तार अधिकारी यांची भेट......

दिनांक : १८ एप्रिल २०१३

पिंपळगाव खडकी गावाला राजगुरुनगर ग्रामसेवक, विस्तार अधिकारी यांनी भेट देऊन गावाची पाहणी  केली. गावाने तयार केलेला पाणी व्यवस्थापनाचा प्रकल्प विशेष आवडला..... या कामातून विशेष प्रेरणा मिळाली हेही त्यांनी यावेळी नमूद केले. गावाची वेबसाईट बनविण्याची संकल्पना विशेष कौतुकस्पद वाटली....गावाच्या लोकसहभागातून पार पडलेली कामाचा आढावा पाहून मान्यवर थक्क झाले.
पिंपळगाव खडकी गावच्या वेबसाईट च्या माध्यमातून गावाबद्दलची माहिती घेताना. राजगुरुनगर ग्रामसेवक, विस्तार अधिकारी.....
 

संत गाडगेबाबा ग्रामस्वच्छता कमिटीच्या स्वागतासाठी रांगोळीची आरस....

संत गाडगेबाबा व संत तुकडोजी महाराज ग्रामस्वच्छता अभियानांतर्गत नाशिकची विभागीय समितीच्या स्वागतासाठी गावामध्ये सर्वत्र रांगोळी काढण्यात आली. या रंगोलींचे ग्रामपंचायत पिंपळगाव खडकीच्या वतीने परीक्षण करण्यात आले व रांगोळीला क्रमांक देण्यात आले.
संत गाडगेबाबा ग्राम स्वच्छता अभियान
रांगोळी स्पर्धा – दि.13/4/2013



 

 
अ.नं.
स्पर्धकाचे नाव
१.
स्वप्नल बबन शिंदे
२.
प्रतिमा शिवाजी बांगर
३.
जि.प.प्राथमिक शाळा
४.
एकता नगर बचत गट, पिंपळगाव (खडकी)
५.
रत्नप्रभा पोखरकर व सुवर्णा पोखरकर
६.
भाग्यश्री अरुण चव्हाण
द्वितीय क्रमांक
अ.नं.
स्पर्धकाचे नाव
१.
सारिका किशोर भागवत
२.
पुष्पा लक्ष्मण बांगर
३.
मुक्ता शिवराम बांगर
४.
जनाबाई रवींद्र पोखरकर
५.
साक्षी नवनाथ बांगर
तृतीय क्रमांक
१.
स्वरा संजय पोखरकर (हरिकृष्ण हॉटेल)
२.
आशा ज्ञानेश्वर गोसावी
३.
मयूर राजेंद्र राजगुरू
४.
अलिशा रशीद इनामदार
५.
आर्या, शिवानी गोसावी
६.
रामदास गंगाराम बांगर
चतुर्थ क्रमांक
१.
सुशीला जैन
२.
प्रतीक्षा शंकर साळुंके
३.
पूनम धनंजय कोऱ्हाळे
४.
पूजा सुर्यकांत बावणे
५.
शकुंतला तुकाराम वाघमारे
पाचवा क्रमांक
१.
मिता बाणखेले
२.
अनिता पोखरकर
३.
फिजा नजीर इनामदार
४.
अदिती प्रमोद बांगर
५.
सुनिता रामदास मोरे
६.
पल्लवी गणेश वाघ
उत्तेजनार्थ बक्षीस
१.
हिंदुकृपा हॉटेल (निलेश बबन बांगर)
२.
श्रीराम व मशीद मागील रांगोळी
३.
विश्वनाथ साळुंके
४.
वर्षा आस्तिक वाघमारे
५.
सुमन राजेंद्र वाघ
६.
नेहा बबुशा वाघ
 
संतोष गोविंद पोखरकर
 
अपर्णा शिंदे
 
निकिता किसान पोखरकर
 
मनीष अविनाश बांगर
 
साक्षी जगदीश वाघमारे
 
ज्योती पंकज बारवकर